Allatseqarfik

Qivioq Løvstrøm

Inuit Innarluutillit Oqaaseqartartuat

Qivioq Nivi Løvstrøm, Inuit Innarluutillit Oqaaseqartartuat, siornatigut Nasiffik - Nunanut Allanut Sillimaniarnermullu Ilisimatusarfiup ataani Ph.d.-stipendiatiusimavoq. Inuiaat kulturiat oqaluttuarisaanerannilu cand.mag.-ijulluni. Inuit Pisinnaatitaafii Pillugit Siunnersuisoqatigiinni (IPS) siulittaasuusimavoq, sionatigullu IPS-imi aamma Nunanut Allanut Naalakkersuisoqarfimmi (NAN) atorfeqarsimalluni. NAN-imi ilaatigut akisussaaffeqarfigisimavai: Kangia, Silap Pissusia, Niuerneq, Inuit Pisinnaatitaaffii aamma Nunat Inoqqaavisa Pisinnaatitaaffii. Naalagaaffiit Peqatigiit ataaniittumi Global Indigenous Youth Caucus-imi aamma aallartitaallunilu siulittaasooqataanikuuvoq, massakkullu siunnersortiulluni. Qivioq aamma Arctic Circle-ip Advisory Board-iani ilaasortaavoq.

Mailikkut attaveqarfissaq: qilo@tilioq.gl

Gitte Lynge

Allattoqarfimmi aqutsisoq

Gitte Niuernermik Ilinniarfimmiit Aningaasaqarnermik Allaffissornermillu EVU-mik ilinniagaqarpoq, kingornatigullu aamma Ilisimatusarfimmiit Inatsisit pillugit bachelor-imik ilinniarsimalluni (ba.jur.)

Gitte 2001-imiillu Namminersorlutik Oqartussani atorfeqartarsimavoq, Tiliumut pinngikkallarami ukiut qulit sinnilaarlugit Aningaasaqarnermut Sulisoqarnermullu Aqutsisoqarfimmi Sulisunit atorfeqartitsinermik sullissivimmi aammalu Isumaqatigiinninniartarfimmi atorfeqarluni.

Taamaalilluni Gitte-p ilinniakkani marluk atorlugit, aningaasanik aqutsinermik, sulisoqarnermik aqutsinermik inatsisillu tunngavigalugit sullissinermik piginnaasaqarluni Tiliumi Allattoqarfimmi Aqutsisutut atorfeqarluni.

Mailikkut attaveqarfissaq: gily@tilioq.gl 

Marita Jessen

Innuttaasunut siunnersorti

Marita Ilisimatusarfimmi isumaginninnermut siunnersortitut bacheloritut ilinniagaqarpoq. Namminersorlutik Oqartussani ulloq unnuarlu angerlarsimaffimmi isumaginninnermi siunnersortitut misilittagaqarluni. Tiliumi innuttaasunut siunnersortitut pisinnaatitaaffinnut kiisalu maalaarfissanut periarfissat pillugit siunnersuisarpoq, suliniutinilu inuit innarluutillit pillugit ilisimasanik inerisaanermut, kiisalu pisinnaatitaaffiit ikiuutit tapersiinerillu pillugit ilisimasanik siuarsaanermut suleqataavoq. 

inuit innarluutillit qanigisaallu pisinnaatitaaffiit pillugit siunnersorneqarumagunik saaffiginnissinnaapput, Saaffi-mmi annerusumik paasisaqarsinnaallutik.

Mailikkut attaveqarfissaq: mjes@tilioq.gl

Oqarasuaat: +299 34 50 10

Emma Christensen

Pilersaarusiornermik suleqataasoq

Emma arnanut illersuisuusuuvoq, isummanik siaruarteriniartartuuvoq pisinnaatitaaffiillu pillugit illersuisuulluni. Aalborg Universititiani Development and International Relations cand.soc. ilinniagaraa, siunertaasimavorlu innuttaasunik samminnittunik suliaqarusulluni, tassanilu pingaarnertut immikkut ittumik inuinnaat naqqaniit tapersersorniarlugit suliniuteqarusuttuuvoq.

Nunarsuarmi nunani arlalinni siusinnerusukkut suliaqartarpoq, ilaatigut Indien, Indonesien aamma Kenya, pingaarnertut innuttaasut pingaannginnertut eqimattatut inissinneqarsimasut suleqataaffigisimallugit, kingullertullu arnat niuerutigineqarsimasut suleqataaffigisimavai. Suliniutinik aqutsinermik, paasissutissanik aqutsinermik, IT aamma aaqqiissuussinermi ineriartortitsinermi annertuumik suliaqartarsimavoq. Taakkulu tunngavigalugit maanna Tiliumi suliniutini sulisutut suliaqalerluni.

Mailikkut attaveqarfissaq: emchr@tilioq.gl

Niels Skifte

Pilersaarusiornermik suleqataasoq

Niels Maniitsumi inunngorlunilu peroriartorpoq akunnittarfinni takornarianillu kiffartuussivinni ilinniagaqarluni. Kalaallit Nunatsinni akunnittarfinni neriniartarfinni, tuniniaasutut, ilinniartitsisutut aamma Maniitsumi Efterskolemi tullersortitut misilittagaqarpoq.

Qaratsakkut aanaartooreernerup kingorna ukiullu aappaa avillugu Danmarkimi sivisuumik pillorissaasumik, timimik sungiusaasumik aamma oqallorissaasumik sungiusaqqereerluni Kalaallit Nunatsinnut uterpoq.

Niels Kalaallit Nunatsinnut utereernermi kingorna arlaleriarluni Tiliup, Naalakkersuisut aamma Qeqqata Kommuniata aaqqissuussaani oqaluttuarlunilu oqalugiartarpoq, ilaatigullu Kalaallit Nunatsinni qaratsakkut aanaartoorneq peqqinnissaqarfimmiillu ikiorserneqannginneq qanoq ajornartigisarneranik oqaluttuartarluni.

Mailikkut attaveqarfissaq: niels@tilioq.gl