Ækvivalenten

Inuit Innarluutillit Oqaaseqartartoqarfiat Tilioq Sisimiuniittoq upernaaru 2026-imi ilinniartumik Tiliup allattoqarfiani ineriartortumi suliffimmik misiliisussamik pissarsiorpoq

Piffissaq suliffimmik misiliiffiusoq: 1. februar 2026 – juunip naanera ilanngullugu 2026 (upernaakkut ilinniarfiup ingerlanerani 2026).

Tilioq pillugu

Inuit Innarluutillit Oqaaseqartartoqarfiat Tilioq Sisimiuniittoq Inuit Innarluutillit pisinnaatitaaffii pillugit Naalagaaffiit Peqatigiivisa Isumaqatigiissutaa tunngavigalugu sunniuteqaqataallunilu  ineriartortitseqataarusuttumik praktikkertussamik pissarsiorpoq.

Inoqatit pillugit immikkuullarissumik iliuuseqaqataanikkut praktikkerusuppit? Taava periarfissaqarputit Tiliumi Oqaaseqartartoqarfimmiut peqatigalugit inuit innarluutillit atugassarititaat pillugit suliassaqarfimmi peqataanissannut.

Oqaaseqartartoqarfimmi suleqatigiit ikittunnguuvugut, Oqaaseqartartoq, oqaaseqartartoqarfiup pisortaa, suliniummik suliaqartoq, innuttaasunillu saaffiginnittunik siunnersortit marluk. Suleqatigiit ataatsimuullaqqillutalu qiimmassaqatigiillaqqissuuvugut suliassallu pillugit assigiinngiiaarfigut atorluarlugit suleqatigiillaqqissuulluta.Taamaattumik suliffimmi ataatsimoorsinnaassuseqarnerit aamma pingaartipparput.

Suliffimmik misiliinermi suliassat

Naatsorsuutigisinnaavat suliffimmik misiliinerni suliniutinik suliaqartarnissat aammalu suliniutini assigiinngiiaani suleqataasarnissat, ilaatigut aallartitseqataasinnaasassallutit aammalu aallartereersunut peqataasarsinnaasassallutit.

Tiliumi ataatsikkut suliniutinik arlariinnik ingerlataqakkajuttarpugut, inuit innarluutillit pillugit politikkikkut ineriartorneq ilutigalugu suliassat nutaat aallartinneqartarlutik, taamaattumik aamma suliassatit assigiinngiiaarsinnaasarumaarlutik. Oqaaseqartartoqarfimmi ikittunnguunerput peqqutaalluni suliassaqarfitsinni aamma sunniuteqaqataasassallutillu ineriartortitseqataassaatit.

Suliassatit pingaarnerit:

  • Tiliup ukiumoortumik inuit innarluutillit peqatigiiffiinut isumasioqatigiisitsinissaanut aammalu inuit innarluutillit pillugit soqutigisaqaqatigiinnik ataatsimeersuartitsisarnissaanut piareersaanermi ingerlanneqarnerinilu peqataaneq.
  • Tusagassiuutinut nalunaarutinut, quppersakkanut, nalunaarusianut, paasissutissiissutinut, paasissutissiissutinut allattuineq.
  • Inuit attaveqaqatigiittarfiini allassimasunut suliniutinullu allattuineq.
  • Inuit innarluutillit peqatigiiffii aammalu innarluuteqartut peqatigalugit paasititsiniutinik ineriartortitsineq.

Piumasaqaatit tunuliaqutarlu

Kandidatitut imaluunniit BA-mi ukiut pingajussaanik ilinniartumik pissarsiorpugut.

Takorloorparput, inunnik isumaginninnermut politikkimullu tunngasut soqutigigitit, aammalu inuit pisinnaatitaaffii pillugit suliniuteqarneq soqutigalugu, ilaatigut inunnik isumaginninnermut sammivilimmik ilisimatusartutut, tusagassiortutut, isumaginninnermik siunnersortitut, inatsisilerisutut, inuiaqatigiilerinermi ilisimatusartutut imaluunniit allaffissorneq politikkilu pillugit ilinniartuussasutit, kisianni aamma ilinniagaq allamik sammiveqartoq ilinniartuuffigigukku periarfissaqarputit praktikkernissannut qinnuteqarnissannut.

Soqutigisarisuuat isumaginninneq pillugu aammalu politikkikkut suliaqarnissaq.

Misissueqqissaartarneq, isummanik misissuineq, suliniutinik suliaqarneq, ataatsimullu isiginnissinnaaneq sungiusimassavatit. Misissuineq allaaserinnittarnerlu nuannarivatit, imaluunniit filmiliortarneq internetsikkullu attaveqaqatigiittarfinnut imassaliortarneq misilittagaqarfigalugu.

Suliffimmi uummaarissumi, ulluinnarni allanngorartuaannartumi suliassanillu nutaanik pilersortoqartuaannartumi suleqatitillu peqatigalugit ingerlalluarsinnaasuuvutit.

Soqutiginnittut piukkunnaatillit tamarmik, qanorluunniit ukioqaraluarunik, suiaassuseqaraluarunilluunniit, ammip qalipaataa, upperisaat, inuttut innarluuteqarnerat inuiaassuserluunniit apeqqutaatinnagit, suliffimmik misiliinissamut qinnuteqaqquneqarput.

Paasissutissat allat

  • Tilioq inissarsiorninni ikiuussinnaassaaq (Kollegiami ineq).

  • Suliffik akilerneqanngilaq, taamaattumik SU-mik allatigulluunniit isertitaqarneq iluaqutaassaaq.

  • Ilinniarfimmi Ilinniakkap aaqqissugaanera naapertorlugu suliffimmik misiliinerup sivisussusaa aalajangerneqassaaq.

  • Sisimiunut/Sisimiuniit angalanermut aningaasartuutit aammalu suliffimmik misiliinermi suliassanut atatillugu angalanernut aningaasartuutit Tiliup akilissavai.

Tilioq Sisimiuni allaffeqarfeqarpoq, tassani pinngortitami misigisassarsiornissamut kulturikkullu misigisassarsiornissamut periarfissarpassuaqarpoq. Sisimiut sinerissamut ammavoq, aammali qaqqat akornanniilluni. Aasakkut qorsooqqittarpoq, umiatsiamik angalanissamut, asimi pisuttuariarnissamut, aalisariarnissamut allarpassuarnullu periarfissaqarpoq. Ukiukkut sisorarsinnaavutit (ujakkaarneq sangusaartarnerlu). Qimussertarsinnaavutit, Sisimiut issittup killeqarfianiippoq, taamaattumillu kalaallit qimmii qimuttut tassani najugaqarput. Arsarnerit takuneqarsinnaapput. Qamuteralannik angalasinnaavutit, Kalaallit Nunaanni qamuteralaat pingajoraterutaat Sisimiuni nalunaarsorneqarsimapput. Sisimiuni katersugaasivik, kulturip illorsua filmertarfilik, imerniartarfiit, unnukkut atuarfiit peqatigiiffiillu misigisassarfiusinnaalluarput.  Aamma pisiniarfissarpassuaqarpoq, timigissartarfeqarlunilu timersortarfeqarpoq, aammalu sauna spalu periarfissaallutik. Neriniartarfeqarportaaq, allaffeqarfiullu qanigisaani illoqarfimmi thai take-away pitsaanerpaaq inissisimalluni.

Qinnuteqarfissaq

Qinnuteqarnissamut killigititaq tassaavoq 30. november 2025, ingerlaavartumik oqaloqatiginnittarnissarput pisassaaq.

Soqutiginnikkuit naatsumik annerpaamillu quppernermik ataatsimik soqutiginninnik allaaserinnillutit qinnuteqarit CV-llu ilanngullugu info@tilioq.gl -imut nassiullugit. 

Suliassaqarfik pillugu apeqqutissaqaruit Gitte Lynge gily@tilioq.gl-ikkut allaffigalugu imaluunniit oqa. +299 34 56 05 sianerfigalugu paasiniaavigisinnaavat.