Ækvivalenten

Inuit Innarluutillit Oqaaseqartartoqarfiat Tilioq inuit innarluuteqartut pisinnaatitaaffii pillugit suliaqartussamik ilinniartumik ikiortissarsiorpoq

Inuit Innarluutillit Oqaaseqartartoqarfiat Tilioq ilinniartumik Tiliup allattoqarfiani ineriartortumi pissarsiorpoq.

Tilioq pillugu

Inuit Innarluutillit Oqaaseqartartoqarfiat Tilioq Sisimiuniittoq Inuit Innarluutillit pisinnaatitaaffii pillugit Naalagaaffiit Peqatigiivisa Isumaqatigiissutaa tunngavigalugu sunniuteqaqataallunilu ineriartortitseqataarusuttumik ilinniartumik suleqatissarsiorpoq.

Inoqatit pillugit immikkuullarissumik iliuuseqaqataanikkut ilinniartuuninni suleqataarusuppit? Taava periarfissaqarputit Tiliumi Oqaaseqartartoqarfimmiut peqatigalugit inuit innarluutillit atugassarititaat pillugit suliassaqarfimmi peqataanissannut.

Oqaaseqartartoqarfimmi suleqatigiit ikittunnguuvugut, Oqaaseqartartoq, oqaaseqartartoqarfiup pisortaa, suliniummik suliaqartoq, innuttaasunillu saaffiginnittunik siunnersortit marluk. Suleqatigiit ataatsimuullaqqillutalu qiimmassaqatigiillaqqissuuvugut suliassallu pillugit assigiinngiiaarfigut atorluarlugit suleqatigiillaqqissuulluta.
Taamaattumik suliffimmi ataatsimoorsinnaassuseqarnerit aamma pingaartipparput.

Suliassat pillugit

Naatsorsuutigisinnaavat ilinniartutut ikiortitut suliassatit makkuussammata, suliniutinik suliaqartarnissat aammalu kommuneni sulisunik pikkorissaanissami Ilimmarsaanermik taaguutilimmi suliniutini suleqataanissat, Tiliumut ilinnullu attaveqaatissanik pinngorartitsinissat aammalu pisinnaatitaaffiit pillugit ataqatigiissaarinermik atuutsitsilernissamik peqataanissat.

Tiliumi ataatsikkut suliniutinik arlariinnik ingerlataqakkajuttarpugut, inuit innarluutillit pillugit politikkikkut ineriartorneq ilutigalugu suliassat nutaat aallartinneqartarlutik, taamaattumik aamma suliassatit assigiinngiiaarsinnaasarumaarlutik. Oqaaseqartartoqarfimmi ikittunnguunerput peqqutaalluni suliassaqarfitsinni aamma sunniuteqaqataasassallutillu ineriartortitseqataassaatit.

Suliassatit pingaarnerit:

  • Tiliup kommuneni sulisunik pikkorissaanissaanut pilersaarusiornermi ingerlanneqarnerinilu peqataaneq

  • Tiliup ataatsimeersuartitsinissaanut ukioq manna Ilulissani pisussami piareersaanermi ingerlanneqarneranilu peqataaneq

  • Tusagassiuutinut nalunaarutinut, quppersakkanut, nalunaarusianut, paasissutissiissutinik suliaqarneq,

  • Inuit attaveqaqatigiittarfiini allassimasunut suliniutinullu allattuineq

Piumasaqaatit/tunuliaqutallu

Isumaginninneq pillugu aammalu politikkikkut suliaqarnissaq soqutigisarissavat. 

Misissueqqissaartarneq, isummanik misissuineq, suliniutinik suliaqarneq, ataatsimullu isiginnissinnaaneq sungiusimassavatit. Misissuineq allaaserinnittarnerlu nuannarivatit, imaluunniit attaveqaqatigiittarfinnut imassaliortarneq misilittagaqarfigalugu.

Suliffimmi uummaarissumi, ulluinnarni allanngorartuaannartumi suliassanillu nutaanik pilersortoqartuaannartumi suleqatitillu peqatigalugit ingerlalluarsinnaasuuvutit.

Soqutiginnittut piukkunnaatillit tamarmik, qanorluunniit ukioqaraluarunik, suiaassuseqaraluarunilluunniit, ammip qalipaataa, upperisaat, inuttut innarluuteqarnerat inuiaassuserluunniit apeqqutaatinnagit, suliffimmik misiliinissamut qinnuteqaqquneqarput.

Qinnuteqarfissaq

Qinnuteqarnissamut killigititaq tassaavoq marsip 20-at 2026, ingerlaavartumik oqaloqatiginnittarnissarput pisassaaq.

Soqutiginnikkuit naatsumik annerpaamillu quppernermik ataatsimik soqutiginninnik allaaserinnillutit qinnuteqarit CV-llu ilanngullugu info@tilioq.gl -imut nassiullugit. 

Suliassaqarfik pillugu apeqqutissaqaruit Gitte Lynge gily@tilioq.gl-ikkut allaffigalugu imaluunniit oqa. +299 34 56 05 sianerfigalugu paasiniaavigisinnaavat.