Kommunimut qinersineq 2021
Tilioq aamma NIIK (Nunatsinni Inuit Innarluutillit Kattuffiat) suleqatigiillutik Kommunimut qinersinissamut 2021 paasisitsiniuteqarput.
Kommunimut 2021-mi qinersinermi piumasaqaatit tallimat
Kiffaanngissuseq naligiissitaanerlu pillugit give me 5! Kommunimut qinersinissaq inunnut innarluutilinnut tunngatillugu naligiissitsinissamik oqallisiginninnissamut periarfissaalluarpoq. Kommunimmi najugarineqarlutillu suliffigineqarlutillu inuuffigineqarput. Taamaattumik kommunit qanoq politikkeqarnersut pingaaruteqarluinnarpoq!
NIIK-imit tallimat ukuu piumasaqataatigineqarput:
- Peqataatitsiffiusumik suliffeqarnissaq
- Atuarfiit tikikkuminarlutillu tamanit peqataaffigineqarsinnaanissaat
- Naligiissitaalluni namminersorlunilu inuunissamut periarfissaqarluarluninajugaqarsinnaaneq
- Kikkunnik tamanik peqataatitsiffiusuniksunngiffimmi sammisassaqarnissaq
- Pisariaqartitsisut pisariaqartitsineranni piginnaanngorsarnissaat piginnaanngorsaqqinnissaallu
Inuit innarluutit pisinnaatitaaffii inatsisini aalajangersakkanilu arlalinni allanneqarsimapput. Imaanngilarli pisinnaatitaaffeqaraluartulluunniit pisinnaatitaaffigisaminnik tunineqartartut. Kalaallit Nunaanni oqartussaasut FN-imit isornartorsiorneqarput inuit innarluutillit pisinnaatitaaffiinik unioqqutitsinertik pillugu. Ajornartorsiutit imaannaanngilluinnartut ilagaat kommunit sulisaasiisa assigiinngitsorujussuunerat.
Inuit innarluutillit inunnut allanut naligiissineqartikkumallugit suut iliuuserineqartariaqarpat? Kommunini politikerit unammillerpavut suliffinni, atuarfinni, najugaqarnermi, sunngiffimmi peqqissaaffinnilu naligiissitaaneq pillugu ‘give me 5’- assamitsigut.
Tilioq NIIK suleqatigalugu kommuninut qinersisoqarnissaanut tunngatillugu aviisimik saqqummersitsivoq "Innarluuteqartut pitsaanerusunik atugaqartariaqarput"
Aviisimi Inuit innarluutillit tapersersorneqarnissaannut inatsisip atuutilersinniarneqarnerani ajornartorsiutit sammineqarput. NIIK-imiillu piumasaqaatit tallimat Najugaqarnermut, Sulffeqarnermut, Atuartitaanermut, Sunngiffimmut kiisalu Peqqinnissamut tunngasut aallaavigalugit allaaserisanik imaqarpoq.
Aviisimi inuit innarluutillit assigiinngitsut ilisaritinneqarput, inuiaqatigiinnilu peqataallutik inuuniarnerminni ilungersuutaat ajugaasimaarutigisartagaallu sammineqarput.
Kommunini borgmesterit aamma innarluuteqarnermut tunngasunik apeqqutinik tallimanik akipput.
Sofianguaq Sloth Pedersen, Hans Mathiasimut anaanaasoq kommunimi qineqqusaartunut piumasaraa meeqqat innarluutillit atuartitaanissaannut pitsanngorsaasoqassasoq.
Tiliup YouTubemi kanaliani aamma takuneqarsinnaapput Hans Peter Larsen, David Møller, Karina Rasmussen kiisalu Sara Fleischer Najugarisamut, Peqqinnermut, Sunngiffimmut kiisalu suliffeqarnermut tunngasunik oqariartuuteqarput.