Tulluusimaarneq nukittunerlu
Oslomi naatsorsuutiginngisannik uattut innarluutilimmik naapitsivunga, kisimiinnangalu paaseriasaarpara tuppallissutigaaralu assut. Tamanna sioqqullugu kisimiittutut misigisarnikuuvunga, Nicoliinnguaq Cortzen oqarpoq.
§§ Tamatta kinaassusitta akuerineqarnissaa pisinnaatitaaffigaarput.
-Inuuninni nammineq aalajangersinnaatitaavunga, inunnut innarluutilinnut sullissisut ataqqinninnerusariaqarput nammineq aalajangersinnaanerput tusaallugu, Nicoliinnguaq Cortzen oqarpoq.
§§Namminerisamik inuuneqarsinnaatitaavunga aalajangersinnaanerlu pisinnaatitaaffigaara.
-Innarluuteqarneq apeqqutaatinnagu ornikkusutannut angalanikuuvunga, soorlu Japanimiinnikuuvunga tassani imminut tulluusimaarutigivunga, taavalu Tysklandimi Kelly Family tusarnaariarakkkit kiserliorneq misigaara. Uani assimi Oslomi inuit innarluutillit ingerlaaqatigiinnissaanut peqataavunga, pissarsiaqarnartumik misigisaqarfigaara, Nicoliinnguaq Cortzen oqarpoq.
§§Inuit innarluutillit sumulluunniit angalasinnaaneq pisinnaatitaaffigaat.
Naammaleqaaq!
-Nunatsinni sullissineq ajunnginnerusinnaasoq, ikorfartortit nunatsinni ajornarput, akunnerillu sullissinissaannut tunniunneqartartut (namminerisamik inuuneqarsinnaatitaanermut naleqqunnatik) ikippallaarput. Assersuutitut tappiitsoq ullormut akunnerit marluk ikorfartorteqartarpoq, tamakku pitsanngorsarneqartariaqarput, Ellen Møller oqarpoq.
§§Namminerisamik inuuneqarsinnaanissaq anguniarlugu ikiorneqarnissaq pisinnaatitaaffigaarput
-Umiarsuarmik angallat tamanit ilaaffigineqarsinnaasoq misilipparput. Kaassuartakkamik issiavimmik atuisut ilaasinnaallutik. Naleqqussaasimanerit taamaatut nunatsinni pisariaqarput. Pisortat, unnuisarfiit tamanullu orninneqarsinnaasutut sanaartukkat Oslomi aqqusaakkavut iseruminartuupput, nuannaartunaqaat, Ellen Møller oqarpoq.
§§Tikikkuminassuseq pisinnaatitaaffiuvoq
Misigisat nuannersut tunngavigalugit maligassiuisunik toqqaasinnaavunga, Karina Rasmussen oqarpoq.
Uani assimi takuneqarsinnaapput Oslomi stolthedsparademut atatillugu unnukkut aaqqissuussaq Stolt Natt-imik taaguutilimmi inuit aliikkusersuillutik saqqummiisut
§§
Tamatta naligisatsinnut tarrarsorsinnaatitaavugut
Ataatsimoorfiit nukinnik aallerfigisinnaavakka, Karina Rasmussen oqarpoq.
Uani assimi Karina talerperliup tulleraa.
Tamatta akuersaarfigineqartussaatitaavugut
- Ingerlaaqataavunga tamatta pisinnaatitaaffivut sukataarutigalugit. Tusaaneqarnissara anguniarlugu ingerlaaqataavunga. Tassami inuunitsinni pissutsinnut uagut nammineq ilisimasaqartuuvugut, Rikke Sørensen SUMH.dk-imit oqarpoq.
§§ Inuunerisamut nammineq aalajangersinnaatitaaneq qanorluunniit innarluuteqaraluaraanni pisinnaatitaaffiuvoq.
-Kaassuartakkamik issiaveqaraluarlunga nunarsuaq kaajallallugu angalasinnaavunga IKIORTEQARLUNGA!, Emilie Ghali SUMH.dk-imit oqarpoq
§§ Inuiaqatigiinni tamat oqartussaaqataarnerat aallaavigalugu ingerlatsisuneersut nunartik qimallugu nunarsuarmi sumulluunniit angalasinnaaneq pisinnaatitaaffigaat.
-Isummanik siaruarteriniartuusinnaavunga. Ataatsimut nukittunerpaajuvugut. Nunat killii akimorlugit tamatta kiffaanngissuserput sorsuutigigutsigu sunaluunniit angusinnaavarput. Nunani avannarlerni ataatsimoorluta isummanik siaruarterigutta, immitsinnut sunneqatigiilluta, allanut aamma pitsaasumik sunniuteqarsinnaavugut maligassiuillutalu. Tamattami timikkut piginnaanikillisimaneq apeqqutaatinnagu inuttut naleqarpugut, peqatigiillutalu pisinnaatitaaffitta malinneqarnissaat piumasaraarput. Assit uku Oslomi Stolthedsparadenimeersuupput, neriuutigaara nunani avannarlerni illoqarfimmiit illoqarfimmut angalasinnaajumaarlunga nilliallunga ima "Tulluusimaarpunga, nukittuvunga takuneqarsinnaavungalu" ❤️, Ingrid Thunem Norgemi Unge Funksjonshemmedemit oqarpoq.
§§Inuit tamatta inuttut pisinnaatitaaffeqarpugut.
