Isumasioqatigiinneq 2025
Ukioq manna isumasioqatigiinneq ulluni 13.-14. september 2025 Hotel Hans Egede-mi Nuummi ingerlanneqassaaq.
Pilersaarutit
13. september 2025
09:30-10:00 Ammaanersiorneq
10:00-10:30 Tikilluaqqusineq ilisimatitsissutissiinnerlu, Inuit Innarluutillit Oqaaseqartartuat Qivioq Løvstrøm
10:30-10:45 Unikkallarneq
10:45-11:15 Saqqummiineq Tukumminngiaq Olsen Lyberth, siulittaasoq, IPS – Inuit Pisinnaatitaaffii pillugit Siunnersuisoqatigiit
11:15-11:30 Unikkallarneq
11:30-12:00 Workshoppi Inuit Innarluutillit Oqaaseqartartuat Qivioq Løvstrøm aamma allatseqarfimmi aqutsisoq Gitte Lynge.
12:00-13:00 Ulloqqeqqasiorneq
13:00-13:45 Saqqummiineq Birgit Niclasen, Ilisimatusarnermi pisortaq, HBSC Greenland-imi aamma Kalaallit Nunaanni peqqissusermik Ilisimatusarfik
13:45-14:00 Unikkallarneq
14:00-14:45 Workshoppi allaffeqarfimmi aqutsisoq Gitte Lynge aamma Inuit Innarluutillit Oqaaseqartartuat Qivioq Løvstrøm
14:45-15:00 Unikkallarneq
15:00-15:45 Ukiup tullianut pilersaarusiorneq isumanillu tunniussineq
15:45-16:00 Naggasiineq
14. september 2025
09:30-09:45 Tikilluaqqusineq
09:45-10:15 Peqqissutsimut Inunnullu Innarluutilinnut Naalakkersuisoq Anna Wangenheim-ip naapeqatigiinnissaanut piareersarneq
10:15-10:30 Unikkallarneq
10:30-12:00 Peqqissutsimut Inunnullu Innarluutilinnut Naalakkersuisoq Anna Wangenheim-i naapeqatigineqarnera
12:00-13:00 Ulloqqeqqasiorneq
13:00-13:30 Festivalimut piareersarneq
13:30-15:45 Nuuk Center-mi Festivalertitsineq
15:45-16:00 Naggasiineq
Saqqummiisussat
Qivioq Løvstrøm
Qivioq Løvstrømi 2025-miit 2027-ip tungaanut Inuit Innarluutillit Oqaaseqartartuatut inissisimavoq. Qiviup pingaartippaa ilisimasat katersorneqareersimasut aallaavigalugit inuiaqatigiinni inuttut innarluutilittatta atugaat pitsanngorsarneqaqqullugit inuiaqatigiinnilu peqataanerat annertusarneqaqqullugu inuiaqatigiinni ilisimasat, paasisitsiniaanikkut oqallittarnerillu aqqutigalugit annertusarneqassasut siunnerfeqarpoq.
Tukummingiaq Olsen Lyberth
Tukumminngiaq Olsen Lyberth Inuit Pisinnaatitaaffii pillugit Siunnersuisoqatigiinni (IPS) siulittaasuuvoq. Inuit pisinnaatitaaffii, nunat inoqqaavisa pisinnaatitaaffii piujuartitsisumillu ineriartortitsinermi misilittagaqarluarluni. Ukiut arlalillit Issittumi innuttaasut, avatangiisit silallu pissusaa pillugu polikki suliaqarfigisimavaa. IPS-imi suliani saniatigut Oceans North Kalaallit Nunaanni immikkut siunnersortitut atorfeqarpoq. Tassani ilaatigut aalisarneq, nunap pisuussutaanik aqutsineq, piujuartitsinissamullu saqinneq suliassaqarfigalugit. IPS-imi siulittaasutut Kalaallit Nunaanni inuit pisinnaatitaaffiisa nukittorsarneqarnissaat illersorneqarnissaallu sulissutigivai, nunat inoqqaavisa pisinnaatitaaffii naligiissitaaneq peqataatitsinerlu qitiutillugit.
Tukummingiaq naalakkersuinermut tunngasutigut peqatigiinnut ilaasortaalluni ilungersortumik suleqataaneq pillugu saqqummiissaaq.
Birgit V. Niclasen
Birgit V. Niclasen Kalaallit Nunaanni inuit peqqissusaannik suliaqartuuvoq. Meeqqat peqqissusaannut, ikiaroornartunik atornerluisarnermut pinaveersaartitsinermut inuttullu peqqissutsimut ilisimatusarnermut sivisuumik suliniuteqarsimanermigut ilisimaneqarluartoq. Taanna 1983-imi Københavns Universitetimi nakorsatut ilinniarnini naammassivaa 1988-imilu Kalaallit Nunaannut nuulluni, 1990-imilu Nuummi nakorsiartarfimmi immikkoortortami nakorsatut atorfeqalerluni.
Birgit V. Niclasenip atorfeqalernerminili Kalaallit Nunaanni meeqqat peqqissuunissaannik pinaveersaartitsinermillu siuarsaanissamut piumassuseqarluarnini ersersissimavaa.
Taassuma immikkoortortaqarfimmi nakorsatut nakorsatut misilittagaqarnini ilisimatusarnermik tunuliaqutaqarluarnini politikkikkullu tunniusimalluinnarnini ataatsimoortippai, taamaalillunilu Kalaallit Nunaanni inuit peqqissusaannik pitsanngorsaanissamik suliniuteqarnermi qitiusumik inissisimalluni.
Birgit V. Niclasen Kalaallit Nunaanni meeqqat atuarfiani apersuineq atorlugu atuartut peqqissusaannik aammalu pissusilersuutit peqqissutsimut sunniutilinnut misissuineq, Health Behavior in School-aged Children (HBSC-mik misissuineq) pillugu saqqummiissaaq.
