Soriarsinnaajunnaartutut misiginerup alannguani
Isumasioqatigiinneq 2026
Ukioq manna isumasioqatigiinneq septembarip 12-ani 13-ianilu PI/SPS Ilulissani ingerlanneqassaaq.
Pilersaarutit
12. septembari 2026
09.30 Ammaanersiorneq
09.45 Tikilluaqqusineq ilisimatitsissutissiinnerlu, Inuit Innarluutillit Oqaaseqartartuat Qivioq Løvstrøm
10.00 Akornatsinni ilisarititsinerit
10.30 Unikkallarneq
10.45 Saqqummiineq, Arnârak Patricia Bloch
11.30 Ataatsimut sammisaqartitsineq (saqqummiisup aaqqissugaanik)
12.00 Ulloqeqqasiorneq
13.00 Saqqummiineq, PI/SPS Ulunnguaq Markussen
13.30 Ataatsimut sammisaqartitsineq (saqqummiisut aaqqissugaannik)
13.45 Unikkallarneq
14.00 Tilioq peqatigiiffiillu oqalleqatigiinnerat, peqatigiiffilerineq, tapersersorneqarnissamut periarfissat
14.30 Unikkallarneq
14.45 Saqqummiineq Ane Geisler KNIPK-miit
15.30 2027-imi isumaisioqatigiinnissamut ataatsimeersuarnissamullu oqaaseqaatit
15.45 Naggasiineq
13. septembari 2026
09.30 Tikilluaqqusineq, Inuit Innarluutillit Oqaaseqartartuat Qivioq Løvstrøm
09.45 The Mumes ilagalugit erinarsoqatigiinneq
10.00 Aalasuliaq
10.30 Unikkallarneq
10.45 Saqqummiineq, Sølund + apeqqutit
11.15 Tiliumit sammisaqartitsineq
11.30 Ataatsimut sammisaqartitsineq
12.00 Ulloqeqqasiorneq
13.00 Saqqummiineq Søren Lytzau, Sølund + apeqqutit
13.30 Tilioq: Naalakkersuisorlu naapinnissaanut piareersarneq
13.45 Unikkallarneq
14.00 Immikkoortoq 1: Naal. Anna Wangenheim-ilu ataatsimiinneq
14.30 Unikkallarneq
14.45 Immikkoortoq 2: Naal. Anna Wangenheim-ilu ataatsimiinneq
15.45 Naggasiineq
16.00 Tusarnaartitsineq festivalilu
Oplægsholdere
Qivioq Løvstrøm
Qivioq Løvstrømi 2025-miit 2027-ip tungaanut Inuit Innarluutillit Oqaaseqartartuatut inissisimavoq. Qiviup pingaartippaa ilisimasat katersorneqareersimasut aallaavigalugit inuiaqatigiinni inuttut innarluutilittatta atugaat pitsanngorsarneqaqqullugit inuiaqatigiinnilu peqataanerat annertusarneqaqqullugu inuiaqatigiinni ilisimasat, paasisitsiniaanikkut oqallittarnerillu aqqutigalugit annertusarneqassasut siunnerfeqarpoq.
Ulunnguaq Markussen
Ulunnguaq Markussen Perorsaanermik Ilinniarfimmi pisortaavoq (PI/SPS) perorsaanermut tunngatillugu ilinniarnerup ineriartornissaa pillugu pilersaarusiornermik suliaqartussaalluni. Kalaallit Nunaanni inuiaqatigiinni pissutsit aallaavigalugit kiisalu najugaq qimannagu ilinniarneq ilinniakkallu naleqqussarneqarsinnaasut aqqutigalugit Kalaallit Nunaat tamakkerlugu ilinniarnissamik pitsanngorsaanissaq aallaavigalugu ilinniarnernik ineriartortitsinissamik immikkut sammisaqarpoq. Tamatuma saniatigut ilisimatusarnermik paasisanillu ingerlatitseqqittarnermik tunuliaqutaqarpoq aamma Kalaallit Nunaanni Issittumilu inuiaqatigiinni pissutsit pillugit ilisimatusakkaminik saqqummersitsisimalluni. Ilinniarnerup, piginnaasanik ineriartortitsinerup inuiaqatigiit ineriartornerisa akornanni sunniivigeqatigiinneri suliamini soqutigisarivai.
ArnâraK’ Patricia Bloch
Arnarak Patricia Bloch specialkonsulentiuvoq, ph.d.-nngorniaq, ilisimatusartorlu Inuk, Kalaallit Nunaanni Peqqissutsimik Ilisimatusarfik Statens Institut for Folkesundhed, Syddansk Universitet-imiittup ataani misissuisuulluni. Ilisimatusarnermini suliaminilu nunatsinni imminut toquttarneq pinaveersaartinniarlugu akiuussinnaaneq, oqaluttuarisaanitsinni nalaataqarnernit kingunerlutsitsinerit aammalu kulturitsinnik aallaavilinnik suleriaatsinik pilersitsiniarpoq.
Arnarak peqqissutsimik ilisimatusarnermik kandidatgrad-eqarpoq (MSc in Public Health Science) Kalaallit Nunaanni imminut toquttarnermut pinaveersaartitsineq allaaserisimallugu. Oqaatsitvut ilitseqqussani kalaallisut atorlugit ilisimasaminik paasissutissiisarpoq. Livslinien Danmark-imi ilitsersuisuttut Kalaallit Nunaanni kommuneni arlalinni sullisisut 1000-it qaangerlugit pikkorissarsimavai, taavalu pitsaaliuinermut siunnersortit 29-it aarlerinaatinik naliliinissamut oqaloqatigiinnermilu periaasissanik pikkorissarsimallugit.
Ph.d.-nngorniarnermi, kalaallit inuusuttut iminut toqoriarnerup kingornatigut inoorusussuseqaqqinnermut misissuisup saniatigut Arnarak Inuit Health Steering Committee-mi Inuit Issittormiut Siunnersuisoqatigiifiata ataaniittumi, siulittaasuuvoq. Tassani Alaska, Canada Kalaallit Nunaallu akornganni suleqatigiinneq ingerlanneqarpoq, Inuit peqqissusaat pitsanngorsarniarlugu naggueqatigiit nipaat nipittorsarpaat. Suliai aqqutissiuisuusut 2023-mi nersorneqarput Nordentoft-prisen-imik nersorneqarami, taanna imminut toquttarnermut pinaveersaartitsinermi immikkut ittumik suliaqartunut nersornaatigineqartarpoq.
Jesper Gadegaard
Festivalimik ataqatigiissaarisartoq, Sølund Musik-Festival & THE MUE-mi manageri
Inuit timikkut / eqqarsartaatsikkut ineriartornermikkut innarluutillit kulturimut tunngatillugu assigiimmik pisinnaatitaaffeqarnissaannut tunngatillugu Jesper 2016-imiilli siuttuullunilu oqaaseqartartuuvoq. Suliniutini toqqaannartumik ingerlanneqartuni kisissaanngitsuni eqqumiitsuliortunut assigiinngitsunut assigiinngitsunik eqqarsartaatsimikkut innarluutilinnut aqqutissiuussisimavoq, taakkunani amerlasuut Danmarkimi nipilersortartunngorsimapput ilaatigut Copenhell-imi tusarnaartitsisarlutik.
Nipilersoqatigiit inuttut innarluutillit, THE MUE, Europami angalaqatigisimavai aamma inuit eqqarsartaatsimikkut allaanerusumik eqqarsartartut aamma inuit amerlanerusut eqqarsartaasiannik eqqarsartartut akornanni aporfinnik annikillisaasimavoq, aamma unammilligassat isiginiarnerunagit taamaallaat piginnaasat isiginiarnerugaanni qanoq angusaqartigisoqarsinnaanersoq uppernarsarsimavaa.
Ullumikkut Jesper Sølund Musik-Festivalimi pilersaarusiornermi festivalimilu ataqatigiissaarisutut piffissaq tamaat atorfeqarpoq, tassani ilaatigut festivalimut piareersarneq, festivalimik ingerlatsineq atortunillu piiaaneq isumagisarivai kiisalu inuit timikkut/eqqarsartaatsimikkut ineriartornermikkut innarluutillit tusarnaartitsinerminni atugarissaarnerannut imminnullu naleqartinnerulertarnerannut tunngatillugu ilisimatusarnermik suliaqarpoq.
Lasse Mortensen
Lasse sivisuumik Sølund Musik-festivalimiissimavoq. Lasse festivalimi pisortaalluni ukiut 40-nngoqqammerpai, 2025-mi naggataamik aqutsisuusussaanini nalunaarutigaa. Taamaattorli ulluinnarni suli festivalimut tunngasunik suliaqartarpoq, qularnanngitsumillu qallunaap taassuma inuit timikkut/eqqarsartaatsimikkut ineriartornermikkut innarluutillit, inuit amerlanerusut eqqarsartaasiannik eqqarsartaasillit asseqqissaavannik inuuneqarsinnaatitaanerannut tunngatillugu isummaminik aalajangiusimanninnerpaasimavoq. Tamatuma saniatigut Lasse Danmarkimi nipilersortartut akorngani ilisimaneqarluarlunilu ataqqineqarpoq, tassani Roskildemi, Smukfestimi aamma Northsidemi suleqaterpassuisa taassuma ilisimasarpassui atukulasarpaat.
Søren Lytzau
Søren timimik sungiusaasutut ilinniarsimasuuvoq, kingornali pædagogisk sociologimi kandidatitut ilinniarsimavoq, aamma ullumikkut illoqarfeeqqami Sølundimi Skanderborgimiittumi ineriartortitsinermut siunnersortitut sulivoq. Søren ilaquttanilu nunarsuarmi angalanissamik takorluugaqarlutillu anguniagaqarput, aamma nunarsuup pitsaanerulernissaanut, soorlu inuit kikkulluunniit immikkut inuiaassusaat ammillu qalipaataat apeqqutaatinnagit inissaqartinneqarnissaannut, aamma inuiaqatigiinni naligiinnginnerup aalajangiisuunnginnissaanut tunngatillugu tapersiinissaminnut pisussaaffeqarput. Søren isumaliortaatsimut tunngatillugu ilisimasaqarluarpoq, aamma isumassuisutut suut iluatsittarnerannut tunngatillugu nassuiaanissamut immikkut ilisimasaqarluarpoq.
The MUE
Nipilersoqatigiit immikkuullarissut inunnik eqqarsartaatsikkut ineriartornermikkut innarluutilinnik inuttaqarput. Iliuuserisinnaasat pillugit pimoorunneqaraanni angusaqangaatsiartoqarsinnaaneranut tunngatillugu taakku uppernarsaataapput. Danmarkimi nunallu avataani 500-t sinnerlugit tusarnaartitsinerit aamma Peter A.G. (Gnags), Chief1, Mek Pek aamma Thomas Buttenschönip suleqatiginerisigut tusarnaartitsinerit nersualaarneqarlutik nalilerneqartut eqqarsaatigalugit unammilligassat pinnagit piginnaasat pingaaruteqarnerunerannut The Mue uppernarsaataapput. Tusarnaartitseqattaarnerup ingerlanerani nipilersortartut sisamat “nipilersortartutut ineriartornermikkut innarluutilittut” isigineqarneranniit massakkut “nipilersortartutut” isigineqalersimapput. Nipilersortartunngoraanni aamma Tysklandimi festivalimi inunnut 8000-inut tupaallatsitsisinnaanngoraanni suut iliuuserisinnaanngisat soqutaanngilluinnartarput. Nipilersoqatigiit nipilersoqatigiittulli allatulli ingerlapput. Pimoorunneqarput, aamma inniminniisartoqarpoq aqutsisoqarlunilu, taamaalilluni pitsaassutsip pitsaanerpaajuaannarnissaa qulakkeerneqarpoq, tamatumalu peqatigisaanik nipilersortartut ataasiakkaat unammilligassaat paasineqarlutik.
THE MUE-miipput,
Winnie Vilstrup (Erinarsortoq)
Jon Toft (Tumerparpaartoq / erinarsortoq)
Sonni Blom (Bas / erinarsortoq)
Danny Nielsen (Guitar)
