Soriarsinnaajunnaartutut misiginerup alannguani
Tiliup ataatsimeersuarti-tsinera 2026
Tiliup ukiumoortumik ataatsimeersuartitsinera ukioq manna Ilulissani PI/SPS-imi septembarip 14-iani 2026-mi ingerlanneqassaaq.
Pilersaarutit
09:00-09:15 Ammaanersiorneq
09:15-09:30 Tikilluaqqusinerit, Inuit Innarluutillit Oqaaseqartartuat, Qivioq Løvstrøm + PI/SPS-imi pisortaq, Ulunnguaq Markussen
09:30-09:45 Tikilluaqqusineq, Naal. Anna Wangenheim
09.45-10:15 Saqqummiineq, Arnârak Patricia Bloch
10:15-10:30 Unikkallarneq
10:45-11:30 Innuttaasumik saqqummiineq, Nickie Jakobsen
11:30-12:00 Ataatsimut sammisaqartitsineq
12:00-13:00 Ulloqeqqasiorneq
13:00-13:45 Saqqummiineq, Naja Lund Kielsen, Inulerivik
13:45-14:00 Unikkallarneq
14:00-14:45 Innuttaasumik saqqummiineq, Amos Larsen
14:45-15:00 Unikkallarneq
15:00-15:45 Oqalleqatigiinneq
15:45-16:00 Naggasiineq
Saqqummiisussat
Naja Lund Kielsen
Naja Lund Kielsen tarnip pissusiinik ilisimasalittut ilinniarsimasuuvoq, innuttaasut tarnimikkut tapersersorneqarnissamik pisariaqartitsisut immikkut sullissimavai. 2016-imi Qaqortumi Ilaqutariinnut Sullissivimmi aqutsisunngorpoq, kingusinnerusukkullu nunap immikkoortua tamaat aqutsisuuffigivaa, tassani ilaatigut Syddansk Universitetip suleqatigineratigut nalaassimasaminik kingunerlutsitsisunut tunngatillugu qulaajaanermi atortussanik suliaqarsimavoq. Ullumikkut Inulerivimmi katsorsaavimmi aqutsisuuvoq. Katsorsaavik innuttaasunut tarnimikkut inuuniarnikkullu atugarliortunik tapersersuinissamik neqerooruteqartarpoq. Neqeroorutit assigiinngitsuunissaat anguniarlugu innuttaasullu systemini neqeroorutinilu assigiinngitsuni ikiorneqarnissaat qulakkeerniarlugu Kalaallit Nunaanni kommunit tamarmik suleqatigiinnissamik isumaqatigiissusiorfiginissaat qitiusumik suliassaasa ilagaat.
Ulunnguaq Markussen
Ulunnguaq Markussen Perorsaanermik Ilinniarfimmi pisortaavoq (PI/SPS) perorsaanermut tunngatillugu ilinniarnerup ineriartornissaa pillugu pilersaarusiornermik suliaqartussaalluni. Kalaallit Nunaanni inuiaqatigiinni pissutsit aallaavigalugit kiisalu najugaq qimannagu ilinniarneq ilinniakkallu naleqqussarneqarsinnaasut aqqutigalugit Kalaallit Nunaat tamakkerlugu ilinniarnissamik pitsanngorsaanissaq aallaavigalugu ilinniarnernik ineriartortitsinissamik immikkut sammisaqarpoq. Tamatuma saniatigut ilisimatusarnermik paasisanillu ingerlatitseqqittarnermik tunuliaqutaqarpoq aamma Kalaallit Nunaanni Issittumilu inuiaqatigiinni pissutsit pillugit ilisimatusakkaminik saqqummersitsisimalluni. Ilinniarnerup, piginnaasanik ineriartortitsinerup inuiaqatigiit ineriartornerisa akornanni sunniivigeqatigiinneri suliamini soqutigisarivai.
ArnâraK’ Patricia Bloch
Arnarak Patricia Bloch specialkonsulentiuvoq, ph.d.-nngorniaq, ilisimatusartorlu Inuk, Kalaallit Nunaanni Peqqissutsimik Ilisimatusarfik Statens Institut for Folkesundhed, Syddansk Universitet-imiittup ataani misissuisuulluni. Ilisimatusarnermini suliaminilu nunatsinni imminut toquttarneq pinaveersaartinniarlugu akiuussinnaaneq, oqaluttuarisaanitsinni nalaataqarnernit kingunerlutsitsinerit aammalu kulturitsinnik aallaavilinnik suleriaatsinik pilersitsiniarpoq.
Arnarak peqqissutsimik ilisimatusarnermik kandidatgrad-eqarpoq (MSc in Public Health Science) Kalaallit Nunaanni imminut toquttarnermut pinaveersaartitsineq allaaserisimallugu. Oqaatsitvut ilitseqqussani kalaallisut atorlugit ilisimasaminik paasissutissiisarpoq. Livslinien Danmark-imi ilitsersuisuttut Kalaallit Nunaanni kommuneni arlalinni sullisisut 1000-it qaangerlugit pikkorissarsimavai, taavalu pitsaaliuinermut siunnersortit 29-it aarlerinaatinik naliliinissamut oqaloqatigiinnermilu periaasissanik pikkorissarsimallugit.
Ph.d.-nngorniarnermi, kalaallit inuusuttut iminut toqoriarnerup kingornatigut inoorusussuseqaqqinnermut misissuisup saniatigut Arnarak Inuit Health Steering Committee-mi Inuit Issittormiut Siunnersuisoqatigiifiata ataaniittumi, siulittaasuuvoq. Tassani Alaska, Canada Kalaallit Nunaallu akornganni suleqatigiinneq ingerlanneqarpoq, Inuit peqqissusaat pitsanngorsarniarlugu naggueqatigiit nipaat nipittorsarpaat. Suliai aqqutissiuisuusut 2023-mi nersorneqarput Nordentoft-prisen-imik nersorneqarami, taanna imminut toquttarnermut pinaveersaartitsinermi immikkut ittumik suliaqartunut nersornaatigineqartarpoq.
